Kryeministri Edi Rama ka deklaruar nga Peshkopia se projekti i Skavicës për ndërtimin e hidrocentralit do të bëhet, megjithëse deklarata e tij duhet parë me skepticizëm në kuadër të fushatës elektorale. Rama u kërkoi banorëve të mos dëgjojnë “hienat”, referuar këtu Berishës, duke shtuar se ky projekt garanton perspektivë për të gjithë zonën.
“Kriza e çmimit të energjisë shkaktuar nga lufta me qëllim. Ukraina është sebepi, e ka bërë për të gjunjëzuar gjithë perëndimin, jemi pjesë e Perëndimit. Lufta është për të gjunjëzuar perëndimin, lufta e çmimeve për të gjunjëzuar perëndimin, për të futur shejtanin në barkun e miletit, për të thonë çohuni se e kanë fajin këta. Ka lidhje që ç’ke me atë punë. Nëse hidrocentrali s’ka ujë, do dalësh ta blesh. 75% i kemi kapacitetet, ndaj kemi sjellë anije që prodhojnë energji, Ndaj kemi Skavicën për të bërë, pse e kundërshtojnë. Ka kundërshtarë për Skavicën, jo vetëm na garanton gurin themelor të sovranitet energjik, do hapë perspektivë për të gjithë zonat. Pa llogaritur ata që do s’postohen dhe do marrin shtëpi. Pse duhet të jeni kundër, duke dëgjuar hiena. Edhe hienë edhe nongrata, imagjinoni. Më falni që e përmenda”, tha Rama.
