Mesfushori belg Eden Hazard është ndjerë përgjegjës për shkarkimin e Hoze Murinjos si trajneri i Çelsit.
Për këtë arsye, ai i ka dërguar një sms portugezit pas shkarkimit, duke i kërkuar falje.
Hazar ishte një nga lojtarët më të mirë sezonin e kaluar, çka bëri që Çelsi të fitonte titullin kampion.
Por, këtë sezon ai ka qenë një nga më të dobëtit, dhe pati zëra se shkak ishte marrëdhënia e tij me Murinjon.
“I çova një SMS duke i thënë se më vinte keq që kishte ikur,” shprehet Hazard për The Guardian.
“Shijuam gjithë atë sukses vitin e kaluar sëbashku, por këtë vit fatkeqësisht shkoi keq.
U ndjeva pak fajtor sepse një vit më pari isha shpallur lojtari më i mirë i vitit në Premier League, por këtë vit jam shumë larg formës së vjetshme”, thotë belgu.
