Prokurorja e Përgjithshme e Përkohshme, Arta Marku është paditur nga prokurorja Rovena Gashi.
Prokuroja Gashi ka bërë një padi në Gjykatën Administrative ku kërkon rikthimin në detyrë si drejtuese e Njësisë së Dekiminalizimit.
Rovena Gashi kërkon pezullimin e vendimit dhe shpalljen si të pavlefshëm. “Vendimi për lirimin tim është absolutisht i pavlefshëm. Të pezullohet vendimi i lirimit si Drejtore e Marrëdhënieve me Jashtë. Prokurorja e Përgjithshme e Përkohshme ka uzurpuar kompetencat e Këshillit të Larte të Prokurorisë”, thuhet në padinë e Gashit që është depozituar në Gjykatën Administrative.
Rovena Gashi pas ardhjes në krye të prokurorisë së Përgjithshme të Arta Markut është zëvendësuar nga Arqile Koce.
