“E shajnë, se është shqiptar”, prindi grek dhunon 12-vjeçarin shqiptar (film)

Ditën e sotme në Greqi, ka ndodhur një ngjarje e rëndë ku një 12-vjeçar shqiptar është dhunuar nga babai grek i shokut të klasës.
Bëhet me dije se arsyeja e kësaj përplasje është bërë pasi dy fëmijët kishin konfliktuar më parë me njëri-tjetrin.
Në videon e publikuar nga mediat greke shihet 12-vjeçari i shtrirë në tokë, teksa babai i bashkëmoshatarit e ka kapur nga flokët, e ka përplasur në tokë dhe e shante për prejardhjen e tij.
“Erdhi më shtyu, ndërsa djali i tij u largua. Më kapi nga flokët dhe më përplasi kokën në tokë. Më shau për prejardhjen. Edhe një herë më parë babai tij më kishe bërtitur se isha zënë me djalin e tij, ndërsa këtë herë më kapi nga flokët,” është shprehur 12-vjeçari.
Gjithashtu babai i 12-vjeçarit shqiptar është shprehur se ky ishte një sulm rracist.
“I thonë të tjerëve që mos i bëni shoqëri shqiptarit. E shajnë se është shqiptar. Jam shumë i shqetësuar, gjithë jeta ime janë fëmijët e mi”, është shprehur babai i 12-vjeçarit.
Sakaq, familja shqiptare e ka denoncuar rastin dhe presin që drejtësia të vendosë.