Një shqiptar është përfshirë në një aksident të rëndë në vendin e punës në Maltë.
Sipas mediave vendase, 34-vjeçari shqiptar është plagosur rëndë pasi u godit nga një fadromë në një kantier ndërtimi në Marsaxlokk, të Maltës.
Ende nuk bëhet me dije identiteti i shqiptarit.
Sipas policisë, ngjarja ka ndodhur në orën 11:30 të së shtunës në afërsi të Xrobb l-Għaġin.
Një ekip mjekësor u thirr në vendngjarje për t’i dhënë ndihmën e specializuar shqiptarit, i cili aktualisht po trajtohet në spitalin Mater Dei, ndërsa një hetim për aksidentin po vijon.
