Një ngjarje e rëndë ka ndodhur ditën e sotme në Tiranë, ku një person ka plagosur me thikë një person tjetër.
Ngjarja mësohet të ketë ndodhur në rrugën “Ali Baushi” pas një konflikti për motive të dobëta.
Mësohet se i plagosuri S. K., 37 vjeç ndodhet në spital nën kujdesin mjekësor.
Ja njoftimi i policisë:
Tiranë
Plagos me mjet prerës një shtetas pas një konflikti për motive të dobëta, arrestohet në flagrancë nga Policia.
Shërbimet e Policisë të Komisariatit Nr. 4, arrestuan në flagrancë shtetasin:
– O. H., 37 vjeç, banues në Tiranë.
Në rrugën “Ali Baushi” pas një konflikti për motive të dobëta ky shtetas ka goditur me mjet prerës në trup shtetasin S. K., 37 vjeç i cili ndodhet në spital nën kujdesin mjekësor.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Plagosje e rëndë me dashje” në ngarkim të shtetasit O. H.
