Një ngjarje e rëndë ka ndodhur ditën e sotme në fshatin Skuraj të Kurbinit, ku një 53-vjeçar ka humbur jetën tragjikisht në lumin Mat. Mësohet se ngjarja ka ndodhur në lagjen “Guri i Zi”, ku Durim Murrani, banues në Burrel i shoqëruar nga familjarët e tij, ka hyrë për t’u larë dhe ka humbur jetën sapo është futur në lumë.
Sipas policisë, dyshohet se 53-vjeçari ka humbur jetën si pasojë e arrestit kardiak gjatë kohës që po lahej në lumë. Trupi i tij është nxjerrë nga lumi dhe po transportohet në morgun e Spitalit, me qëllim përcaktimin e shkakut të ndërrimit të jetës.
Grupi hetimor vazhdon veprimet hetimore për sqarimin e plotë të rrethanave të ngjarjes.
