Një ngjarje e rëndë ka ndodhur pasditen e sotme në fshatin Tapi në rrethin e Kuçovës.
47-vjeçarja Lulzime Mema, nënë e 3 fëmijëve, dy vajzave dhe një djali është vetëhelmuar duke pirë disa kokrra fostoksinë.
Mësohet se 47 vjeçarja ka qenë e vetme në banesë në momentin që ka pirë lëndën helmuese. Ajo është gjetur ende me shenja jete në dhomë nga djali i saj 17-vjeçar, i cili ka lajmëruar menjëherë Urgjencën dhe policinë.
47-vjeçarja Mema është transportuar drejt Spitalit Rajonal të Beratit, dhe megjithë ndërhyrjen e mjekëve ajo ka ndërruar jetë 30 minuta më vonë.
“I bleva kokrrat vetë dhe i piva më vetëdije”, kanë qënë fjalët e fundit të 47-vjeçares Lulzime Mema.
Ende nuk dihen shkaqet që e kanë çuar nënën e 3-fëmijëve drejt vetëhelmimit, ndërkohë që nga policia konfirmohet se viktima kishte kohë që vuante nga depresioni dhe ankthi.
