Një aksident është shënuar mbrëmjen e kësaj të mërkure në aksin rrugor Korçë-Voskopojë, ku një mjet tip “Ford” është përplasur me një karrocë që tërhiqej nga një kafshë dore.
Sipas bluve, si pasojë e përplasjes janë dëmtuar rëndë L.Z që përdorte karrocën dhe M.K që ndodhej në karrocë. Mësohet se menjëherë pas aksidentit të lënduarit janë dërguar në spitalin e Korçës, ku ndodhen jashtë rrezikut për jetën.
“Më datë 14.09.2022, rreth orës 19:50, në aksin rrugor Korçë-Voskopjë, pranë fshatit Goskovë, shtetasi E. Q., duke drejtuar mjetin “Ford”, është përplasur me një karrocë që tërhiqej nga një kafshë dore.
Për pasojë ka marrë dëmtime shtetasi L. Z., që përdorte karrocën dhe shtetasja M. K., që ndodhej në karrocë, të cilët u dërguan në Spitalin e Korçës dhe ndodhen jashtë rrezikut për jetën.
Drejtuesi i mjetit tip “Ford”, shtetasi E. Q., është shoqëruar në ambientet e Policisë për veprime të mëtejshme procedurale.”-njofton policia.
Sekuestrohet vila e Belinda Ballukut në Dhërmi, i shtohet akuza korrupsion dhe pastrimi i parave –
Prokuroria e Posaçme Antikorrupsion (SPAK) ka njoftuar se ka vendosur sekuestro preventive mbi një pasuri të paluajtshme në resortin turistik...
