Një ngjarje tragjike është shënuar në Itali, ku ka humbur jetën një 12-vjeçare shqiptare. Mediat italiane bëjnë me dije se e mitura humbi jetën pasi u godit nga drurët mbajtës të shilarëses, që i ranë sipër ndërsa ajo po lozte. Mësohet se, ngjarja ka ndodhur rreth orës 18:00 dhe bëhet me dije se në vendngjarje kanë ndërhyrë 118 punonjës shëndetësorë, por për fat të keq nuk kanë mundur të mbajën në jetë të miturën.
Fëmija fillimisht u dërgua në urgjencën në Avezzano, dhe më pas u transferua në spitalin San Salvatore në L’Aquila, por çdo përpjekje për shpëtim ishte e kotë. Në vendngjarje u gjend edhe një infermiere e cila u përpoq ta sillte në jetë, por qe e pamundur. Policia rrugore dhe karabinierët kanë rrethuar zonën po kryejnë hetimet për shkaqet e kësaj ngjarje të rëndë.
