Policia e Tiranës ka parandaluar një krim brenda familjes, duke arrestuar një 57-vjeçar. Në pranga ka rënë personi i identifikuar me iniciale A. E., i cili ka dhunuar dhe ka tentuar të vrasë bashkëshorten.
Policia njofton se, i arrestuari gjatë orëve të para të mëngjesit, ka ushtruar dhunë fizike ndaj bashkëshortes dhe më pas, me një litar të lidhur rreth qafës, ka tentuar ta vrasë.
Nuk dihen ende motivet e kësaj ngjarjeje të rëndë ndërsa i arrestuari do të përballet me akuzën pë veprën penale “Dhuna në familje”. Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
