Janë zbardhur detaje të tjera nga sherri mbrëmë në Tiranë, ku si pasojë u plagos një person. Sipas burimeve, Shpëtim Metoli është personi që u qëllua me armë dhe është dërguar në gjendje të rëndë në Tiranë, pasi ka marrë plagë në këmbë. Ndërkohë që policia ka shoqëruar deri tani 12 persona, mes të cilëve nuk dihet nëse është apo jo autori i plagosjes. Grupi hetimor po punon për identifikimin dhe kapjen e autorit/ëve dhe sqarimin e rrethanave të ngjarjes.
Autorët pasi qëlluan të plagosurin kanë mundur të largohen. Ata kanë hipur në një nga linjat e taksive që operojnë në kryeqytet dhe janë larguar. Policia është vënë në ndjekje të tyre. Shkaqet e konfliktit që ka përfunduar në përdorimin e armës së zjarrit ende nuk dihen mirëpo dyshohet se shkak mund të jetë bërë një vajzë.
Mbrëmjen e kaluar në atë club performoi reperi Don Phenom. Ky i fundit u aludua në media se mund të ishte i përfshirë në ngjarje, por ai i ka hedhur të gjitha poshtë. Përmes një video-live, reperi sqaroi se pas përfundimit të koncertit, ai u largua pa pasur konflikte me njeri.
