Përparim Sehati, 46-vjeçari që u plagos me thikë në Fier ka ndërruar jetë në spital. Sehati dyshohet të jetë qëlluar me thikë nga 31-vjeçari Alionid Sali për motive të dobëta.
Sehati bashkë me autorin e dyshuar ishin fqinj, por familjet nuk flisnin. Sa i përket autorit të dyshuar, ai është vënë në pranga nga policia më herët gjatë ditës.
Kujtojmë këtu se të shtunën rreth orës 12:20, në Spitalin Rajonal Fier ka shkuar i plagosur me thikë , banues në Kasnicë.
Pas plagosjes, autori i dyshuar u largua nga vendngjarja me mjetin e tij tip “Benz” por më tej gjatë ditës u bë e mundur kapja dhe arrestimi në flagrancë i tij në fshatin Drizarë, Mallakastër.
Policia ka sekuestruar thikën me të cilën dyshohet që të jetë bërë plagosja dhe automjeti i 31-vjeçarit.
