Ngjarja tragjike e Zvërnecit ku humbën jetën 24-vjeçari Benjamin Ferati nga Tetova dhe Manuela Maraj, 27 vjeçe, banuese në Babicë të Madhe, Vlorë dhe Xhoana Cani, 25 vjeçe, banuese në Tiranë, ka sjellë në vëmendje problemin e përhershëm të kullave të vrojtimit në vendin tonë.
Në rastin e Vlorës ato ishin inekzistente, por një vrojtim në Velipojë tregon që edhe kur janë nuk kanë asnjë funksion.
Një kullë vrojtimi në Velipojë ëshët shndërruar në lokal.
Shkodranews, që raporton lajmin bashkë me foton shkruan se “Bashkia Shkodër e cila është përgjegjëse për administrimin e Velipojës duket komplet e paaftë për menaxhimin e territorit që ka nën varësi”.
Kullat e vrojtimit u vendosën nga Agjensia Kombëtare e Bregdetit përpara 3 viteve dhe nuk jane vënë në funksion asnjëherë.
