Mëngjesin e kësaj të diele me dhjetëra mace të ngordhura janë gjetur në disa rrugica të Pogradecit.
Sipas denoncimeve bëhet fjalë për një helmim të qëllimshëm, ndërsa të zotët e tyre s’kishin ç’bënin tjetër veçse t’i merrnin për t’i varrosur…
“Sot në mëngjes mora vesh se te rruga “Naim Frashëri” në Pogradec, natën kishin vendosur ushqim të helmuar për macet dhe shumica ishin shtrirë të ngordhura nëpër rrugicat e shtëpive të tyre….nuk i lanë gjatë ashtu, gjithsecili mori të vetën për ta varrosur diku…ashtu pa bërë zë…por vetëm kaq.
Sigurisht që e denoncuam dhe shpresoj inspektorët e policisë që erdhën të gjejnë fajtorin.
Mua më mundon solidariteti qytetar aty për gjërat që ju mohojnë çdo ditë pak nga pak dhe njerzit rinë mbrapa perdes.
O njerëz do ju marin gjënë e vetme të bukur që ju ka ngelur, shpirtin dhe do ju lenë të jetoni ashtu, pa të…”, shkruan Diana Mile.
