Ish-kryetari i Partisë Demokratike Lulzim Basha ka reaguar ashpër pas gjuhës ofenduese të presidentit të Serbisë Aleksandar Vuçiç ndaj kryeministrit të Kosovës, Albin Kurti.
Sipas tij, sjellje të tilla dëshmojnë se liderët serbë nuk janë ndarë ende nga e shkuara. Ai thotë se Kosova tashmë është shtet i pavarur dhe askush nuk mund t’i imponohet me gjuhën e dhunës dhe presionit.
Reagimi i Bashës:
Gjuha e urrejtjes ndaj kryeministrit të Kosovës nga presidenti i Serbisë është e papranueshme. Ajo dëshmon se lidershipi serb nuk është ndarë nga e shkuara. Kosova është shtet i pavarur dhe askush nuk mund ti imponohet me gjuhën e dhunës.
Është koha që serbët e Kosovës të shohin drejt së ardhmes dhe mirëqenies, e të mos pranojnë keqpërdorimin e tyre për llogaritë politike të së shkuarës fatkeqe.
