Nënkryetari demokrat Edi Paloka ka komentuar takimin e Kryeministrit Rama me qytetarët në ambientet e Kryeminitrisë, ku një grua u shfaq e përlotur pasi i ishte ngritur pensionin te ëmës nga 44 mijë lekë të vjetra në 124 mijë lekë të vjetra.
“Ai, të cilit vetëm fotoja me Cristiano Ronaldon i kushtoi sa do të rezultonte pensioni i përjetshëm i asaj gruaje.”, shkruan Paloka.
Postimi i Palokës
I shpifur, i pështirë!
Ai që ka zhytur dorën në xhepin e çdo shqiptari dhe ju grabit miliona çdo ditë.
Ai, të cilit vetëm fotoja me Cristiano Ronaldon i kushtoi sa do të rezultonte pensioni i përjetshëm i asaj gruaje.
Ai që sot është kryeministri më i pasur në botë sepse vjedh dhe sundon mbi popullin më të varfër në Evropë.
Del përpara kamerave dhe si sadist shijon lotët e ca të mjerëve që për një copë bukë më shumë bëhen pjesë e një shfaqjeje të neveritshme.
Hiqesh si ëngjelli shpëtimtar i tyre!
Po mallkimet e qindra mijëra të tjerëve a i dëgjon? Urrejtjen e tyre a e ndjen?
Sigurisht që po! Të mbërrijnë edhe në vilen – kullë miliona euroshe të Surrelit. Prandaj leviz me 30 makina eskortë e i ngjeshur me antiplumb…
