Një 16-vjeçare nga Saranda ka denoncuar një 31-vjeçar për përdhunim.
Menjëherë pas denoncimit të të miturës, policia ka shpallur në kërkim dhe po punon për kapjen e të riut E. S., i cili akuzohet për abuzim seksual me të mitur.
“Nga specialistët për Hetimin e Krimeve në Komisariatin e Policisë Sarandë janë referuar materialet në Prokurori dhe po punohet për kapjen e shtetasit E. S., 31 vjeç banues në Sarandë, pasi një shtetase e mitur 16 vjeçe ka bërë kallëzim se ky shtetas ka kryer marrëdhënie seksuale me dhunë me të. Materialet i kaluan Prokurorisë së Rrethit Gjyqësor Vlorë dhe Prokurorisë së Rrethit Gjyqësor Sarandë, për veprime të mëtejshme”, thuhet në njoftimin e policisë.
