Një 65-vjeçar është i pajetë në një hotel mëngjesin e sotëm. Mësohet se, ngjarja është regjistruar në një hotel në rrugën “Frosina Plaku”, ku personi në fjalë është gjetur i pajetë nga vëllai i tij.
Sipas policisë, nga këqyrja paraprake dyshohet se vdekja ka ardhur si pasojë e një arresti kardiak, megjithëse policia po punon për sqarimin e rrethanave të ngjarjes.
“Më datë 24.03.2022, në një hotel në rrugën “Frosina Plaku”, nga vëllai i tij, është gjetur në dhomë, pa shenja jete, shtetasi Sh. A., 65 vjeç. Nga këqyrja paraprake dyshohet se vdekja ka ardhur si pasojë e një arresti kardiak. Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia.
