Të gjithëve na ka rastisur të marrim medikamente apo të kalojmë pranë farmacive, por vështirë të na kenë shkuar sytë tek simboli më i përhapur në mjekësi. Një gjarpër rreth një shkopi është imazhi që përbën logon e njohur në fushën e mjekësisë.
Mendimi i parë që të vjen është një lloj krahasimi i medikamenteve me helmin që lëshon gjarpri, megjithatë rrënjët e kuptimit të këtij simboli janë thellë në histori.
Ekzistojnë dy versione që e sqarojnë simbolin e mjekësisë. Sipas mitologjisë shkopi simbolizon shkopin e “zotit” madhështor Hermes që ishte një lajmëtar ndërmjet Zotit dhe njerëzve. Thuhet se Hermes ishte edhe mjek i udhëtarëve dhe për shkak se në atë kohë, mjekët udhëtonin në distanca të mëdha në këmbë për të vizituar pacientët e tyre duhet ta kishin një shkop.
Më heret përreth shkopit ishin dy shirita të bardhë, por më vonë ata u zëvendësuan me gjarpërinjtë që lidhet me historinë e Hermesit, i cili ka treguar se me anë të shkopit i ka ndarë dy gjarpërinjë luftarakë dhe kështu kanë mbetur gjarpërinjtë rreth shkopit në harmoni të balancuar.
Një tjetër përshkrim gjithnjë sipas mitologjisë tregon se Asklepi, i cili ishte ishte një gjysmëperendi greke e mjekësisë, kishte mundësi për t’i shëruar të sëmurët dhe për t’i sjellë njerëzit e vdekur përseri në jetë; edhe ky kishte një shkop me gjarpër përreth.
Grekët i konsideronin gjarpërinjtë si të shenjtë dhe helmin e tyre e përdornin për shërim.
