Dy vëllezërit Shpëtim Cani dhe Roland Cani, të cilët u arrestuan pasi po trafikonin 25.000 litra naftë në portin e Durrësit, kanë mohuar që kjo e fundit të jetë kontrabandë.
“Karburantin e kemi për anijen tonë, nuk kemi kryer asnjë shkelje, siç e patë edhe vetë nuk kishim sajuar depozita, por vetëm depozitën e mjetit”, kanë thënë vëllezërit në dëshminë para uniformave blu.
Mësohet se peshkarexha vinte nga vendet e Lindjes, ndërsa dyshohet se nafta ishte planifikuar për t’u hedhur në tregun e brendshëm. Si rezultat i kontrollit, në bordin e anijes së peshkimit, janë gjetur dhe sekuestruar rreth 25 000 litra naftë.
