Teksa ndodhet sot në Komisionin Hetimor Parlamentar për shkarkimin e tij, presidenti Meta ka gjetur rastin që ti heqë merakun edhe Bashkim Finos, duke i thënë se nuk ka asnjë shqetësim personal me të.
Pak ditë më parë Fino u shpreh se në një nga dekretet e presidentit, dukej se Meta kishte përdorur argument kundër Finos.
“Kam marrë vesh nga mediat se mendon se kam diçka personale me ty, përkundrazi ti gjithnjë ke qenë i preferuar nga ana ime.
Unë edhe kur kam qenë palë, edhe kryetar Kuvendi dhe kryetar i një partie, për çështje madhore kam qenë mbi palët. Shembulli më kryesor ka qenë vendimi unanim për reformën në drejtësi, dhe më falni për modestinë po është një nga vendimet më të drejta që është marrë ndonjëherë në vendin tonë.
Unë kam vetëm një pyetje, pse nuk mu kërkua mua që të luaja një rol për ti kërkuar opozitës djegien e mandateve, meqënse unë qenkam me njërën nga palët. Nuk ka ndodhur asnjëherë më parë që të ketë zevendësim në bllok të deputetëve. Unë do të jem në mbrojtje të Kushtetutës së Shqipërisë mbi të cilën kam vënë dorën”, u shpreh Meta.
