Ministrja e shtetit për Marrëdhëniet me Parlamentin, Elisa Spiropali u shpreh se Sali Berisha është varrmihësi i sistemit elektroenergjetik shqiptar.
Spiropali theksoi se falë privatizimeve të Berishës dhe dëmit që ai i shkaktoi sistemit, u arrit që në vitin 2013, shteti të humbte plotësisht kontrollin mbi ÇEZ.
Komentet Spiropali i bëri teksa fliste në Kuvend, ku shtoi se ditët e sotme nuk rrihet në radhë për të paguar energjinë, pasi sipas saj sistemi është dixhitalizuar.
“Të nderuar sapo foli varrmihësi i sistemit elektroenergjetik shqiptar. Dua të rendis disa fakte se çfarë i bëri ai sistemit elektroenergjetik shqiptar. Po e nis atëherë kur dinte mirë se çfarë dinte. E mbani mend privatizimin e sistemit të shpërndarjes së energjisë elektrike. Ky privatizim është edhe sot nën hetim. Le të merret SPAK-u. I takojnë prokurorisë. Fakti është që në vitin 2012 dhe fillim të vitit 2013 i bënte thirrje ÇEZ “ju lutem na ndizni dritat dhe ujësjellësat”. E humbi kontrollin mbi ÇEZ. Qeveria juaj vendosi për demontimin dhe shitjen për skrap të termocentralit të Fierit. Po vijojmë me bëmat e tjera. Kur shitet hidrocentralet më të rëndësishme në Shqipëri që ishin pjesë e KESH. Dy Bistricat, Shkopetin dhe Ulzën. Po dhënien e HEC-eve Ashka 1 dhe 2 i harruat këto. Ja ku e keni rezultatin. Qeveria juaj, ai që foli ktu sikur s’ka asnjë lidhje me çka ndodhur ën këtë vend, ka humbur në përllogaritje rreth 26 mijë ton naftë. Vlonjatët thonë që paratë për TEC-in i hodhën në det. Nga llogaritë e ekspertëve del që ne nuk do kishim nevojë për eksport. Pasi rrënuar sistemin, ne na u desh të rehabilitonim sistemin tonë. Ju na flisni sot për performancën. Humbjet kanë ardhur duke u reduktuar çdo vit dhe kanë mbërritur në nivelin më të ulët historik. Për herë të parë në shtator të vitit 2022 kemi nivelin më të ulët të humbjeve vetëm rreth 14 %. Nuk rrihet sot në radhë për të paguar energjinë, sepse ka dixhitalizim”, u shpreh Spiropali.
