Një shqiptar në Itali ka humbur jetën në prani të bashkëshortes dhe vajzës pas një aksidenti të rëndë me makinë. Mediat në Itali raportojnë se Ndriçim Gjuzi po udhëtonte me familjen e tij kur automjeti i tij tip “Fiat” u përfshi në një aksident në autostradë.
Makina me të cilën udhëtonte 49-vjeçari, në të cilën ishte dhe gruaja mee vajzën 4 vjeçe u përplas nga një makinë tip “Opel Corsa”.
Nga përplasja nuk pati të lënduar, por tragjedia ka ndodhur më pas. Shoferët e dy automjeteve kanë dalë nga automjetet për të parë dëmet dhe kanë vendosur që të spostojnë makinat në korsinë e emergjencës për t’u sqaruar. Por, ndërsa Gjuzi po bëhej gati të hipte në mjetin e tij, u përplas nga një makinë e tretë. Përplasja këtë herë rezultoi tragjik.
Të gjithë personat e tjerë të përfshirë në përplasje dhe në aksidentin e mëparshëm, mbetën të padëmtuar. Për rindërtimin e dinamikës po punon policia rrugore e koordinuar nga Prokuroria e Bustos.
