30 persona janë shoqëruar sot nga policia e Elbasanit, pas një kontrolli biz të kryer në lokale dhe biznese paraditen e sotme. Bëhet me dije se, shërbimet e Komisariateve në varësi të DVP Elbasan, Forca e Posaçme “Shqiponja”, Forcat Operacionale dhe Policia Rrugore, në bashkëpunim me Renea, kanë zhvilluar kontrolle të shumta në të gjithë qarkun dhe kanë kontrolluar 171 mjete, 15 nga të cilat janë shoqëruar në Komisariat.
Ndër të tjera tregohet se për verifikim; kanë kontrolluar 285 persona, 30 nga të cilët janë shoqëruar në Komisariatet e Policisë, për veprime të mëtejshme. Gjithashtu janë kontrolluar 9 ambiente të ndryshme, në të cilat nuk u konstatuan veprimtari apo sende të kundërligjshme. Policia tregon se kontrollet po vazhdojnë dhe personat e shoqëruar janë kapur në shkelje të ndryshme si; përdorim të lëndëve narkotike, shkelje të rregullave rrugore dhe armëmbajtje pa leje.
