Një pikë poste në Kamëz është grabitur mesditën e sotme. Ngjarja ka ndodhur rreth orës 14:20, në Kamëz, ku një person ende i paidentifikuar, i maskuar me kapuç dhe mbante një send të dyshuar si pistoletë, është futur në filialin e Postës Shqiptare, ka marrë një shumë parash dhe është larguar.
Burimet bëjnë me dije se autori kërcënoi punonjësen e Postës Shqiptare me një pistoletë lodër dhe mori 100 mijë lekë. Në vendin e ngjarjes ndodhet policia ndërsa janë ngritur edhe pika kontrolli për të vënë në pranga autorin, i cili është larguar me shpejtësi me një veturë.
