Një i ri afgan i dyshuar për përdhunim në grup dhe vrasjen e një vajze të mitur në Austri ka mbërritur në Britani me emër të rremë.
Rasouili Zoumpaintoulaz rezulton i shpallur në kërkim për përdhunimin dhe vrasjen e një 13-vjeçareje në Vjenë. Sipas gazetës britanike “Daily Mail”, i riu afgan arriti të kalojë me një varkë dhe kërkoi azil me një emër të rremë.
Ai ishte njohur me vajzën e mitur në Instagram. Trupi i saj u gjet pranë një peme në qendër të Vjenës më 26 qershor. Afgani u arrestua në zonën Chapel të Londrës më 29 korrik.
22-vjeçari u strehua në një hotel për gati 15 ditë derisa u zbulua identiteti i tij i vërtetë.
Nga hetimet rezultoi se viktima ishte droguar dhe përdhunuar në grup. Policia vjeneze është në kërkim të bashkëpunëtorëve të 22-vjeçarit të cilët e kërkonin “prenë” e tyre në Instagram.
