“Topçinjtë”, pasi nuk arritën të merrnin Moises Caicedo nga Brighton, iu drejtuan rastit të mesfushorit 31-vjeçar italian të Chelsea. Në fakt, sipas “Daily Mail”, ata kanë arritur të bindin “blutë” e Londrës që t’i japin Jorginhon, të cilit kontrata i përfundon verën e ardhshme dhe nuk është rinovuar.
Sipas “Athletic”, Arsenali i ofroi Chelseas rreth 13.5 milionë euro për të mbyllur marrëveshjen. Kontrata e ofruar për futbollistin është deri në verën e vitit 2024 dhe përfshin një opsion rinovimi edhe për një vit.
Jorginho pritet të kalojë sot testet e nevojshme mjekësore dhe më pas do të përfundojë pjesa formale e transferimit të tij. Këtë vit, ai ka luajtur në 25 ndeshje për Chelsean, duke shënuar tre gola në 1760 minuta.
