Dukej gjithcka e mbyllur, por po kthehet në një thriller të denjë për regjizorët hollivudian e ardhmja e Paul Pogbas. Mjekët e Manchesterit po e prisnin për të kryer testet mjekësore që i paraprijnë gjithnjë firmës mbi kontratë, por francezi nuk u pa kërkund.
Kjo e ka një arsye, menaxheri Mino Raiola ende nuk ka rëndë dakord për pjesën që i takon atij, në 125 milion eurot që United do të kalojë në llogarinë e Juventusit, por ka edhe një arsye tjetër më shqetësuese për anglezët, ndërhyrja e Realit të Madridit.
Për të konfirmuar përfshirjen e Los Blancos kanë ardhur edhe fjalët e trajnerit të kësaj skuadre, Zinedine Zidane.
“Merkato mbyllet më 31 gusht dhe deri atëherë, gjithcka mund të ndodhë. Reali i Madridit dëshiron gjithmonë lojtarët më të mirë, por për momentin nuk mund të flasë më shumë pasi respektoj maksimalisht Juventusin “- deklaroi tekniku i kampionëve të Europës.
Për hir të së vërteteës, Reali prej disa vitesh kërkon shërbimet e 23 vjeçarit, dhe meqë në skenë ka dalë vetë Zidane, nuk do të ishte befasi nese ish kapiteni i kombëtares franceze të lobonte personalisht që Pogba në fund të zgjidhte madrilenët. Një skenar sigurisht shumë i vështirë, po në produksionet thriller, është fundi i pabesueshëm që bën diferencën.
