Partia Demokratike disa muaj më parë denoncoi shtimin e një kati pa leje në pallatin e ish-deputetit të Partisë Socialiste Vladimir Kosta, që njihet si “Sky Tower”, në zonën e bllokut.
Ish-deputetja demokrate Oriola Pampuri, ishtë ajo që denoncoi e para, ndërsa pak ditë më vonë ish-kryeministri Sali Berisha tha se Kosta po ndërtonte pa leje jo një por dy kate. Denoncimi u rikthye në vëmendje edhe në nëntor të vitit të kaluar, pasi ndërtimi te “Sky Tower” vazhdoi edhe pas tërmetit shkatërrimtar të 26 nëntorit.
Te pallati i lartë që ndodhet në një nga zonat më luksoze të Tiranës, në ish-Bllok, ndërtimi vazhdon normalisht. Dhe tashmë janë hedhur jo një, e as dy, por plot 4 kate.
