Një punonjës i Policisë së Tiranës ka rezultuar pozitiv për koronavirusin dhe ndodhet në karantinë prej një jave. Pritet që të dalin rezultatet edhe për persona me të cilët ai ka pasur kontakte të afërta.
Raportohet se edhe disa punonjës në Komisariatin e Vorës, janë karantinuar. Ata dyshohet se janë të infektuar me virusin dhe ndodhen të izoluar prej një jave.
Veç mjekëve, edhe punonjësit e policisë ndodhen pothuajse çdo ditë të ekspozuar ndaj rrezikut duke qenë në kontakt me qytetarë të shumtë.
