Dy vatra të mëdha zjarri kanë shpërthyer ditën e sotme, në Fushë Krujë dhe në Memaliaj.
Sipas informacioneve paraprake, vatra e zjarrit në Fushë Krujë është ndezur pranë fshatit Budull, ku janë djegur edhe rreth dy kilometra të hekurudhës Vorë-Shkodër. Zjarri po përhapet me shpejtësi favorizuar edhe nga era.
Ndërsa në Memaliaj, vatra e zjarrit ka shpërthyer pranë fshatit Vasjar, duke shkaktuar djegien e sipërfaqeve të mëdha të pyjeve dhe shkurreve.
Për të dyja rastet dyshohet se zjarrvënia është e qëllimshme.
