Policia e Vlorës, “Delta Forcë”, “Guarda di Finanza” në një operacion tërbashkë gjetën dy të rinjtë të cilët kishin rënë në një shpellë 70 metra të thellë
Dy turistë italianë kanë humbur orjentimin në malin e Çikës në Himarë dhe kanë përfunduar në një shpellë 70 metra të thellë. Dy turistët L. R 26 vjeç, banues në Ankona dhe P. C 31 vjeç, banues në Trevizio, kanë kërkuar ndihmën e policisë dhe menjëherë janë angazhuar Policia e Vlorës, “Delta Forcë”, “Guarda di Finanza”, të cilët kanë bashkëpunuar duke kërkuar përgjatë natës së kaluar. Kushtet e kërkimit ishin të vështira mes errësirës dhe reshjeve të shiut dhe mungesës së kontaktit telefonik me këta 2 shtetas pasi i’u ishin fikur telefonat.
Vetëm sot është bërë e mundur gjetja e tyre në mal, ku kishin rrëshkitur për shkak të lagështirës në një shpellë rreth 70 m e thellë dhe janë nxjerrë prej andej me ndihmën e litarëve, materiale me të cilat ishin pajisur këto shërbime për shpëtimin e tyre.
Turistët sapo kanë mbërritur në pikën më të afërt në Himarë, përpos shërbimeve të tjera po i priste edhe shërbimi mjekësor me autoambulancë. Ekipi mjekësor ka konstatuar se dy turistet ishin ne gjendje te mire shendetesore dhe nuk kanë patur nevojë për trajtim mjekësor. Ty të rinjtë italianë janë trasportuar në drejtim të Vlorës me një automjet të Konsullatës Italiane.
