Në qarkun e Beratit në 24 orët e fundit janë konfirmuar dy raste të reja me koronavirus.
Raportohet se njëri prej tyre është një burrë nga lagjia Barrikadë e Beratit i cili pasi ka shfaqur simptoma ka telefonuar 127. Ai është dërguar menjëherë në Tiranë, ndërkohë drejtoria e Shëndetit Publik ka marrë masa për të gjetur vatrën e infektimit.
Ndërsa rasti i dytë është një person nga Ura Vajgurore i cili dyshohet se mund të jetë infektuar në një spital në Tiranë, ku ka shkuar për të vizituar të shoqen e shtruar për një sëmundje tjetër.
