Mançester Siti dhe Mançester Junaited janë gati të bëjnë çmendurira për të marrë nga Barcelona brazilianin Neimar.
Sipas mediave britanike, Pep Guardiola e kërkon me çdo kusht brazilianin në ekipin që do të drejtojë duke nisur nga sezoni i ardhshëm.
Për këtë arsye, Siti është gati të paguajë klauzolën prej 190 milion eurosh që ka vendosur Barcelona për largimin e Neimar.
Klauzolë që është gati ta paguajë edhe Junaited.
Dhe, dy ekipet e Mançesterit nuk ndalen këtu.
Ato janë gati t’i japin një rrogë stratosferike atij, në shumën e 60 milion eurove në vit, që do ta bënte atë jo vetëm futbollistin, por sportistin më të paguar të të gjitha kohërave.
Neimar tani duhet të jetë në dilemë.
