Pas operacionit të shpëtimit të 11 vjeçarit shqiptar Alvin Berisha nga kampi i ferrit në Siri, raportohet se numri i fëmijëve shqiptarë që ndodhen atje është i lartë.
Gazetari Eni Ferhati ka thënë në emisionin “Vizioni i Pasdites” se numri i fëmijëve shqiptarë në Al-Hol pritet të rritet pasi të paktën dy gra nga Shqipëria janë shtatzëna.
“Nga burimet e mia nga agjencitë e zbatimit të ligjit, numri i shqiptarëve në kampin Al- Hol pritet të shtohet. Janë të paktën dy gra shqiptare që janë shtatëzënë,” ka deklaruar Ferhati.
Ndërkohë, gazetari i “Le Iene” Taulant Kopliku shprehet se shteti shqiptar krahasuar me Kosovën është i heshtur.
Sipas tij i vetmi rezultat, ku pjesën më të madhe e kishin italianët, ishte ai i Alvin.
është shprehur se shteti shqiptar “ka qenë i fjetur” përsa i përket riatdhesimeve të shqiptarëve nga Siria.
“Në këtë moment shteti ka qenë i fjetur. Kosova ka lëvizur mjaft mirë para nesh dhe ka marrë rezultate. Ndërsa rezultati i parë jo dirket i qeverisë shqiptare është Alvin dhe kuptohet pjesën më të madhe e kishin Italianët,” ka thënë Kopliku.
