Dy aksidente brenda pak minutash janë regjistruar mëngjesin e sotëm në Tiranë.
Njoftohet se rreth orës 08:07 një mjet ende i paidentifikuar ka aksidentuar një 22-vjeçare që ishte duke lëvizur me biçikletë. Si pasojë e lëndimeve që mori, 22-vjeçarja N.C., ndodhet në spital ku merr kujdes shëndetësor.
Gjithashtu rreth orës rreth 08:09, një automjet ka aksidentuar një 25-vjeçare e cila po ashtu ishte duke lëvizur me biçikletë. Edhe, D.SH., ndodhet në spital nën kujdesin e mjekëve.
Njoftimi i policisë:
Tiranë/Informacione paraprake
Më datë 17.06.2020, rreth orës 08:07, tek sheshi “Karl Topia”, një mjet ende i paidetifikuar ka aksidentuar dhe është larguar nga vendi i ngjarjes biçiklisten N.C.,22 vjeçe, e cila ndodhet në spital, nën kujdesin e mjekëve.
Më datë 17.06.2020, rreth 08:09, në rrugën “Teodor Keko” Unazë e Re, një mjet me drejtues ende të paidentifikuar, ka aksidentuar dhe është larguar nga vendi i ngjarjes biçiklisten D.Sh., 25 vjeçe, e cila ndodhet në spital, nën kujdesin e mjekëve..
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
