Gjykata e Durrësit ka lënë në fuqi masën e sigurisë “arrest me burg” për dy vëllezërit Kostandin dhe Kujtim Ekonomi, pasi akuzohen për vrasjen e 58 vjeçarit Agim Arapi mbrëmjen e 11 prillit.
Ngjarja ndodhi në lagjen nr 1 të Durrësit, ku pronari i dyqanit ushqimor, shtetasi 58-vjeçar Agim Arapi vdiq pas një përleshjeje fizike me pronarët e një picerie që ndodhet pranë dyqanit të tij.
Viktima dhe autorët kishin nënshkruar një kontratë, sipas të cilës dy vëllezërit Kostandin dhe Kujtim Ekonomi do t’i paguanin 58-vjeçarit një qira prej 13 mijë lekësh në muaj për kalimin e tubave të ajrimit të picerisë në dyqanin ushqimor.
