Në Durrës është shënuar viktima e parë e sezonit veror. Një 17 vjeçar nga fshati Karpen i Maminasit është mbytur teksa lahej në det në Gjirin e Lalzit.
Në kushtet e një deti të trazuar, viktima së bashku me 3 bashkëmoshatarë kanë sfiduar dallgët, duke u futur në thellësi të detit.
17-vjeçari është shkëputur nga shokët, dhe pas disa minutash është nxjerrë në breg i pajetë.
Policia e Durrësit njofton se mbytja e 17-vjeçarit ka qenë aksidentale, ndërsa pritet ekspertiza mjeko-ligjore për shkakun zyrtar të vdekjes.
