Ish-ministri i Brendshëm Saimir Tahiri ka prezantuar edhe njëherë listën e kandidatëve të Tiranës në kongresin e PS-së që është duke u zhvilluar në Durrës.
Tahiri tha se zgjedh të dalë nga protokolli për të ftuar në podium pikërisht ata që nuk kandidojnë dhe s’janë pjesë e listës, kryebashkiakët.
“Urime gjithë kolegëve, faleminderit gjithë delegatëve, të rinjve, forumit të gruas. Më falni por unë do dal nga protokolli. Dua të ftoj këtu ata që nuk kandidojnë Erionin, Qazimin, Sotirqain, Armandon, Rremën, Dritanin, dhe gjithë kryetarët e bashkisë që janë pjesë e pandashme e skuadrës sonë. Kam dëgjuar shumë njerëz që na kanë thënë në çdo takim që në 18 qershor nuk ka garë nuk ka konkurrencë, ça do luftojmë, pa asnjë diskutim më 18 qershor ka garë më së pari me padrejtësinë, me gjykatësit e korruptuar ndaj ne do luftojmë me atë pjesë të skuadrës që ka punuar për reformën, Pandeli Majko, Vasilika Hysi, Ulsi Manja, Fatmir Xhafaj…”, tha Tahiri nga Durrësi.
