Një person nga qyteti i Durrësit është gjetur i pa jetë në banesën e tij. Ngjarja ka ndodhur ditën e djeshme, ndërsa viktima është identifikuar si 21 vjeçari me inicialet A.C.
Sipas dëshmive të familjarëve mësohet se kur ata kanë hyrë në dhomën e viktimës e kanë gjetur atë të shtrirë përtokë dhe pa shenja jete, por nuk e dinë se çfarë i ka shkaktuar të riut vdekjen.
Sipas veprimeve të para hetimore, rezulton se vdekja ka ardhur nga shkaqe natyrale.
Grupi hetimor së bashku me ekspertizën po vazhdojnë të kryejnë veprimet për zbulimin e shkakut të vdekjes. Materialet i kaluan Prokurorisë së Rrethit Gjyqësor Durrës.
