Stefano Giaciomelli akuzohet nga drejtësia italiane për veprën penale të Krimit Financiar
Policia e Shtetit arrestoi një shtetas italian të shpallur në kërkim ndërkombëtar për “Krime Financiare”. I arrestuari është shtetasi Stefano Giaciomelli, 59 vjeç, lindur në Bolognia të Italisë dhe banues në lagjen Nr.13 në Durrës. Arrestimi i tij u krye përmes një operacioni të mirëorganizuar nga Drejtoria për Hetimin e Krimit Ekonomik e Finaciar në Policinë e Shtetit në bashkëpunim me Drejtorinë e Posaçme Operacionale.
Gjykata e Torinos kishte lëshuar urdherin e arrestit për “Krime Financiare”, urdhër i transmetuar nëpërmjet Interpol Tirana ditën e djeshme.
Ekzekutimi i vendimit të arrestit për qëllime ekstradimi, u bë në bashkëpunim me strukturat vendore për hetimin e Krimit Ekonomik e Financiar në Drejtorinë Vendore të Policisë Durrës, dhe materialet do t’i kalojnë Prokurorisë prane Gjykatës së Shkallës së Parë Durrës në bazë të kompetencave vendore.
Sipas policisë së Durrësit, strukturat e Drejtorisë për Hetimin e Krimit Ekonomik e Financiar në Policinë e Shtetit, po investigojnë aktivitetet e tij të dyshimta kriminale në fushën Ekonomike e Financiare dhe lidhjet e tij edhe në Shqipëri.
