Sa i përket postit të trajnerit, presidenti Armando Duka ka dhënë disa alternativa, nga Walter Zenga tek Clarence Seedorf, pa përfshirë edhe alternativat e tjera që përfliten për drejtor teknik të kombëtares.
Mësohet se Duka po kërkon një trajner me eksperiencë dhe ndoshta me një emër të madh.
“E sigurtë është që nuk do të marrim një trajenr që do të drejtojë për herë të parë Shqipërinë. Po kërkojmë dikë me ekperiencë, sepse kjo është shumë e rëndësishme. Nëse do të ketë edhe emrin e madh, padyshim që ky është një bonus.
Kandidati duhet të bindë se mund ta bëjë shumë mirë këtë punë. Duhet të pranojë veç kriterit financiar tonit edhe objektivat që kemi. Vërtet jemi matematikisht jashtë eliminatoreve të Botërorit 2018, por duhet t’i mbyllim mirë këto 4 ndeshje të mbetura dhe të na kualifikojë në Europianin e 2020-s”, ka thënë Duka.
Muaji gusht është limiti që Duka dhe stafi teknik që po intervistojnë kandidaturat i kanë vënë vetes për të gjetur një trajner.
