Ai që kishte për detyrë të inspektonte territorin dhe të njoftonte policinë nëse haste bimë narkotike të mbjella, kryeplaku i fshatit Prishtë në Çepan të Skraparit, është arrestuar pasi dyshohet se kultivues i 295 rrënjëve bimë narkotike kanabis sativa.
J.L., 39 vjeç, është vënë në pranga në kuadër të një operacioni policor gjatë 10 ditëve të fundit, për asgjësimin e kultivimit të paligjshëm të bimëve narkotike. Arrestimi i tij u bë pasi, dyshohet të jetë kultivuesi i 295 bimëve narkotike “Canabis Satriva” të evidentuara dhe sekuestruara nga policia e Skraparit në vendin e quajtur “Moçalishta”.
Njoftimi i Policisë
Kontrrolleve intensive në të gjithë territorin e qarkut për evidentimin dhe goditjen e tentativave për kultivim të kanabisit.
Vihet në pranga kryeplaku i fshatit Prishtë, Njësia Administrative Çepan, Skrapar.
J.L., 39 vjeç banues në Prishtë Skrapar.
Arrestimi i tij u bë pasi në vijim të punës për kontrollin e territorit, me qëllim goditjen e veprimtarisë kriminale në fushën e kultivimit të narkotikëve, shërbimet e Komisariatit të Policisë Skrapar, në vendin e quajtur “Moçalishta” kanë gjetur 295 bimë Canabis Sattiva. Shtetasi J.L eshte person i dyshuar per kultivimin e bimeve narkotike, gjithashtu duke mbajtur detyrën si kryeplak i fshatit kishte detyrim që të ushtronte kontrolle territori dhe te njoftonte Policine e Shtetit për kultivim të bimëve narkotike.
Materialet procedurale u referuan në Prokurorin e Rrethit Gjyqësor Berat, për ndjekje të mëtejshme.
