Nga Vjollca Cumraku
“Dua të vras vajzen time”
“Rraca e shqipëtarit”. Sa e sa herë u ka rastisur të dëgjoni këtë togfjalëshin në bisedat me miqt, në shkollë, në punë, kudo. Në çdo diskutim kur bie fjala tek ne, mundohemi me thonj të mbrojmë çdo argument mbështetës ndaj nesh, ndaj “rracës Ariane”.
Dita ditës duket sikur trimëria, zgjuarsia, mikpritja, kultura, po i lënë vendin egoizmit, pabesisë, poshtërsisë, zemërligësisë, injorancës dhe vetkomandimit.
“Do të bëhet kështu sepse dua unë”
“Dua ta vras vajzen time sepse kështu dua unë”
“Dua ta mbyll vajzen në shtëpi sepse kështu më leverdis mua”
Në një kohë kur po trumbetohet me të madhe për fuqizimin e figures së femrës, sa e sa raste keni dëgjuar që tek ne, ndoshta kërkohet të varroset ajo. Synohet të përulet ajo femër që perpiqet të thyejë tabu, që përpëlitet e vetme drejt suksesit, që kërkon të thyej çdo barrier drejt destinacionit që ka. Kjo sepse tashmë kemi arritur në atë vetbesimin e verbër që unë dhe vetëm unë kam të drejtë.
Vajza është e imja dhe do të bëjë atë që dua unë.
Motra është pronë e imja dhe do më bindet pa ngritur kundërshtim.
Disa ditë më parë në një emision në një nga tv tona, u vërtetua me zë e figurë kjo që po thoja më lart.
Ishte pikërisht rasti i Votimes që më bëri të reflektoj. Ajo e cila njohu dashurinë e saj edhe pse në adoleshencë, u detyrua të zgjedhë ose familjen, ose familjen e re të vetën. Absurde apo jo. Kjo sepse babai nuk ishte dakort. E zgjuarsinë ata të shenjtër prindër vazhdojnë ta vërtetojnë edhe sot pas 6 vitesh.
Ajo me guxim e mbrojti familjen e re, por jo të gjitha janë si ajo dhe jo të gjitha patën fatin e saj.
Ja: Lezhë, Nikollë B. i jep fund jetës së vajzës së tij 19-vjeçare. Me një plumb në kokë dhe një në gjoks, duket sikur ishtë mënyra e vetme që ky baba mendoi ti mësonte sjelljen e duhur vajzës që disa kohë më parë ishtë martuar me dikë që ai nuk e pranonte. Në momentin e ndarjes dhe pas shumë problemesh të tjera, ai vendos ti japë në krahëror vdekjen vajzës së tij.
Dukagjin, babai vret vajzën e tij vetëm 14-vjeçe. Si në shumë raste të tjera, 45-vjeçari vendos të ndjekë nga pas vajzën e vet.
Tiranë, Ruzhdi Q. i jep vetëm 16 vite jetë vajzës së tij të pafat Fiqerete Q. Edhe pse e ndanin tre javë nga dasma e saj, babushi që e donte fort, vendosi të ia demostronte këtë asaj me dy plumba. Arsyeja? Mbrojtja e nderit.
Dibër, babai në bashkëpunim me dy djemt e tij vret në mënyrë krejtësisht makabre vajzën e tij. 21-vjeçarja Fatmira D., vdiq pas 5 plumbave të marrë mbi trupin e saj. Arsyeja e vrasjes? Mbrojtja e nderit. Familjarët se kapërdinin dot që ajo kishte një lidhje dhe ishte shtatzënë. Edhe pse u munduan ta fshihnin krimin me të gjitha forcat e mundshme, një zë i brendshëm ulëriti e tha:”E bëra për nder. Doja të ruaja nderin e familjes e të djemve të mi”.
Tetovë, 51-vjeçari me inicialet Q.B pa iu dridhur syri, vret vajzën e tij 27-vjeçare kjo pasi nuk pranonte lidhjen e saj me djalin qe ajo donte. Nuk dihet nese vetvrasja e tij pas krimit që kishte kryer do të merret si shenjë pendimi para Zotit, për momentin vlen thjesht të theksohet që edhe ky ia fali vetë vajzën e tij vdekjes.
Pej, vëllai në mbrojtje të nderit qëllon me armë zjarri motren e tij 20 vjeçare Fora V.
Lushnje, babai Bashkim L. nën kërcënimin me thikë përdhunon dy herë vajzën e tij, të mituren 13-vjeçare.
Tiranë, Kujtim I. vret me thikë vajzen e tij 17-vjeçaren Elidona I. pas një zënke të vogël me një zhurmë të madhe dhe një fund fatal. Mendonte se ajo do të lajmëronte policinë dhe babai për ti shpëtuar këtij fakti, llogjikoi të drejtë të therte të bijen.
Mat, “Vrasje për nder”. Në gjendje të dehur Mirash M. 40 vjeç, vret motren e tij teksa ajo bëntë punët në shtëpi. Ai tashmë nuk duronte fjalët e këqija që degjonte për të, dhe një ditë të bukur vendos ti marrë asaj jeten.
Vlorë, përtej varfërisë ekstreme, 17-vjeçarja është përballë me diçka që nivelin e neverisë nuk arrin askush ta masë. Në mënyrë barbare ajo është përdhunuar nga babai i saj e cila më pas rezultonte shtatzënë. Në këtë rast babai zgjedh të largohet pa lënë asnjë kontak.
Mbrojtja e nderit? Ku shkoi nderi kur ti i hodhe dhe mbi varr fëmijës tënd?
A mos ndoshta ka ardhur momenti që ju meshkuj te zot ti mendoni pak më shumë veprimet e instiktet kafshërore? Të kuptoni se pavarësisht veprimit, nuk keni asnjë % minimale të drejt të ia merrni jeten. Ndoshta fundi fatal i atyre viktimave të pambrojtura ishte shpëtim për ta. Por nuk duhet harruar se ka edhe shume të “vdekura” që jetojnë çdo ditë pranë nesh, zvarriten e hahen me jetën e me padrejtësitë që ajo egërsisht ua përplas në fytyrë.
Janë ato vajza që nuk i vrasin me plumb por me heqjen e mundësisë për të jetuar si duan. Duke u mbytur mjerisht shpirtin e iniciativës e krijimtarisë. Duke kërkuar tu nëpërkëmbin misionin e tyre. Me anë të dhunës fizike e psikologjike po kërkohet që tu nenshtrohen deri në ekstrem.
Siç ti je i lirë, është e lirë edhe ajo. Ashtu si ti dëshiron ta përqafosh jeten e dëshiron trefish më shumë ajo. E fakti që është femër nuk duhet ta penalizoje.
Është e lirë të shkollohet, ti gëzohet moshës, të zgjedhë atë që i përshtatet. Sepse të fillosh një universitet nuk të bën lavire. Të mos pranosh që 14-vjeçe atë plakun që babai zgjedh për ty nuk është kokëfortësi. Të dalësh me miqt nuk konvertohesh në e përdalë.
Edhe ti tani po thua që nuk janë të gjithë kështu po thirri mendjes. Ke të drejtë. Ka akoma baballarë shembullor për të cilët është pak tu ulesh në gjunj e tu shprehesh admirimin pa kufi. Atij babai që zgjedh të sakrifikojë çdo gjë për vajzen. Që zgjedh të bëhet urë lidhëse ndaj të tashmes e të ardhmës që vetë ai mundohet ta qëndisë bukur. Ju jeni universi për ne.
Ndërsa atyre mostrave më lart do tu thoja një diçka të thjeshtë. Meqë prej dekadash e mbroni me fanatizëm të famshmen shprehje “Kush të rreh, të do” ju lutem mos kërkoni ta tjetërsoni në “Kush të do të vret”. Ju lutem mos…
