Këngëtarja me origjinë shqiptare , Dua Lipa ka mbërritur në Kosovë. Ajo mbajti një konferencë për shtyp në Aeroportin e Prishtinës Adem Jashari.
Ajo po përgatitet të mbajë koncertin e saj humanitar në Parkun e Gërmisë me date 9 gusht. Dua Lipa, e kthyer pas 4 vitesh në Kosovë, ishte e shoqëruar me bandën e saj.
Të gjitha të hyrat e biletave do të shkojnë për Sunny Hill Foundation, fondacionin e themeluar nga Dua Lipa për t’i ndihmuar të rinjtë e Prishtinës dhe Kosovës në sferën e artit dhe kulturës.
