Këngëtarja e njohur Dua Lipa ka publikuar në profilin e saj në Instagram një video ku lajmëron bashkëpunimin me Sean Paul.
Kënga mban titullin “No Lie” dhe do të publikohet për të gjithë fansat të premten.
“Kam bërë një këngë me Sean Paul, e cila publikohet ditën e premte. “No Lie” po pres me padurim që ta dëgjoni”, shkruan bashkangjitur videos Dua Lipa.
Deri më tani Dua Lipën e kemi parë në projekte “solo”, prandaj fansat e këngëtares shqiptare mezi po presin projektin më të ri të saj që vjen në bashkëpunim me artistin me famë botërore.
