Policia Sarandë gjen 4 mijë rrënjë kanabis në Kalanë e Ali Pashës
Tashmë prodhuesit e drogës kanë gjetur edhe një vend tjetër shumë atraktiv për kultivimin e kanabisit: kalatë. Sipas policisë së Sarandës ata së fundi “kanë marrë” edhe kalanë e Ali Pashë Tepelenës në Livadhja.
Në njoftimin e policisë Sarandë thuhet: “Operacioni i asgjësimit dhe më pas djegies së bimëve narkotike është kryer në dy fshatra. Gjithsej janë asgjësuar rreth 9841 rrënjë kanabis. Nga të cilat: Në fshatin Ninat – Bashkia Konispol, janë asgjësuar 5841 rrënjë bimë narkotike, prej të cilave: – 4023 rrënjë ishin të mbjella në kubikë, me lartësi deri në 5 cm. – 1818 rrënjë ishin të mbjella në tokë, me lartësi 5 – 9 cm.
Në fshatin Livadhja, janë gjetur dhe asgjësuar 4000 rrënjë bimë narkotike “Cannabis”, të mbjella në vendin e quajtur “Kalaja e Ali Pashës”, prej të cilave: – 2000 rrënjë ishin të mbjella në tokë, me lartësi deri në 15 cm. – 2000 rrënjë të tjera të mbjella nëpër kubikë, me lartësi deri në 5 cm. U bë asgjësimi i tyre me djegie. Policia po punon për identifikimin dhe kapjen e kultivuesve”.
