Dritan Sejko u emërua sot drejtor i Autoritetit Kombëtar të Ushqimit. Prezantimi i tij u bë në ambjentet e këtij institucioni nga kryeministri Rama dhe ministri i Bujqësisë, Panariti.
Sejko zëvendësoi në këtë detyrë Isuf Shehun, i cili e mbajti postin e drejtorit që prej muajit shkurt të këtij viti.
Në fjalën e tij, drejtori i ri Sejko deklaroi se, do të çojë përpara zhvillimin e institucionit, duke ndjekur projektet e nisura nga parardhësi i tij.
Ndërsa ministri Panariti i uroi suksese drejtorit Sejko dhe falenderoi ish-kreun e AKU-së, Shehu, për punën e bërë.
