Dritan Agolli, drejtor i Fondit Shqiptar të Zhvillimit (FSHZH) po firmos shpërdorimin dhe përvetësimin e buxhetit të shtetit në favor të oligarkëve. Me afrimin e zgjedhjeve, kontratat abuzive po shpeshtohen. Brenda një dite, drejtori famëkeq ka hapur garën për disa tenderë që kapin vlerën 39 miliardë lekë.
Kontrata e parë ka si objekt “Ndërhyrje rigjeneruese në blloqet e banimit, rigjenerimi i stokut të banesave në rajonin 1 dhe 2”, ku më poshtë thuhet se lloji i kontratës është “Punë publike”. Ndërkohë nuk sqarohet se çfarë punësh do të bëhen konkretisht dhe sa do jenë shpenzimet për secilin zë. Fondi i limit i vënë në dispozicion për këtë prokurim është 4.6 miliardë lekë. Por në rast nevoje, shpenzimet mund të shkojnë deri në 5.5 miliardë lekë. Pra, Agolli i jep të drejtën vetes t’i paguajë kontraktuesit aq para, sa i lind dëshira!
Kjo kontratë është fituar nga firma “DION-AL” sh.p.k, me pronarë: Renaldo Joanidhi – 43.33%, Aldi Zaimi – 30%, Eljona Zaimi – 13.33% dhe Shpresa Joanidhi.
Kontrata është dhënë pa garë fare, sepse nuk raportohet që në këtë tender të kenë marrë pjesë kompani të tjera. Ndërkohë këtu lind pyetja, se në cilat kritere u bazua komisioni i vlerësimit që i dha pikët maksimale fituesit. Për aq kohë sa nuk dihet çfarë punësh do të kryhen dhe nëse fituesi ka mundësi t’i kryejë?
Edhe tenderi i dytë ka të bëjë sërish me punë publike, në Lushnjë dhe Shkodër, por pa asnjë sqarim tjetër. Për këtë rast Agolli ka hedhur 3.5 miliardë lekë dhe fituesi sërish është shpallur në mungesë të pjesëmarrjes së ndonjë kompanie tjetër.
Në kontratën e tretë janë parashikuar punime në Lezhë dhe Shkodër me vlerë 2.1 miliardë lekë. Për këtë tender FSHZH thotë se do të instalojë sistemet fotovoltaikë në këto qytete. Por, sërish nuk përcaktohen kriteret për kompanitë që kanë fituar tenderin dhe sa shpenzime do të bëhen për secilin rast.
Dhuratë edhe për Shkëlqim fushën
Një tender tjetër është në radhë, gjithashtu për punë publike “sipas kërkesave të bashkisë”. Njësoj si në tenderët e tjerë, gara është mbyllur pa konkurrencë dhe në mungesë të theksuar informacioni për punimet dhe shpenzimet konkrete.
Ajo që bie në sy në fund të dokumentit është fituesi. Nga kaq shumë kontrata, sigurisht Agolli e ka ruajtur një projekt edhe firmën “Fusha shpk”, të oligarkut Shkëlqim Fusha. Në dokument thuhet se “Fusha” do të furnizojë me materiale publike bashkitë “sipas nevojave”. Por, sërish pa u përcaktuar se sa bashki do të përfitojnë nga kjo kontratat, çfarë materialesh do të marrin ato dhe sasia që prokurohet. Atëherë, si e përcaktoi vlerën 21.5 miliardë lekë Agolli për “Fushën”? Me pak fjalë, kaq ka dashur vetëm Fusha që të fusë në arkën e tij nga ky projekt.
Kontrata tjetër i është dhënë gjithashtu një firme oligarkësh, që është pasuruar me tenderët e Bashkisë Tiranë dhe FSHZH.
Sikur kemi parë deri më tani, edhe në këtë rast objekti i kontratës është “punë publike”, por të pacaktuara konkretisht. Fituesi është firma “LEON KONSTRUKSION” me pronarë Florenc Sharkën dhe Sonila Sharkën. Këtë herë FSHZH i ka dhuruar pa garë fare 750 milionë lekë. Ndërsa kjo firmë zakonisht ka fituar miliarda lekë nga Bashkia Tiranë. Kujtojmë se vetëm pak muaj më parë Veliaj i dha Sharkës 240 milionë lekë për të ndërtuar një zgarë qoftesh tek Liqeni i Thatë. Duket sikur kjo ditë paska qenë ndarja e “Oscars” për korrupsion nga FSHZH.
4.2 miliardë lekë për firmën që përkëdhelur nga Veliaj
4.2 miliardë lekë do të shpenzojë FSHZH që firma “ALB-BUILDING” , të kujdeset për anësoret e rrugëve. Nuk dihet për se cilat rrugë bëhet fjalë, por Odhise Bresha dhe Pëllumb Betado do t’u xhirohen para me thes nga FSHZH për dy vitet e ardhshme. Këto lekë janë për punë që në fakt nuk i dimë a do të kryhen. Për aq kohë sa nuk ka kushte dhe kritere të përcaktuara në kontratë.
Kujtojmë se kjo kompani është e klientë e pushtetit duke përfituar pjesën e Luanit në tenderë me vlera të mëdha në Tiranë.
Një nga këto abuzime ikonë është projekti ku Veliaj meremetonte rrugët ekzistuese tek Parku i Liqenit artificial dhe i emërtonte “Itenerare këmbësorësh me pistë vrapimi dhe biçikletash”. Burimi i financimit ishte Komiteti për Zhvillimin e Rajoneve (FSHZH) Kompanisë iu xhiruan 256.3 milionë lekë për atë rrugicë.
Duke qenë se fitoi besimin e Veliajt, kompani mori edhe “Ndërtimin e rrugëve kryesore të zonës për zhvillim Njësia Administrative 4 dhe 8, Zona “5 Maji”. Paratë ishin nga Programi i Rindërtimit. Së bashku me një kompani tjetër ”Alb-Building” shpk mori 4,7 miliardë lekë. Kjo gjithashtu kompani që mori 600 milionë lekë për spostimin e rrjetit të ujësjellësit tek Bulevardi ‘Zogu i I’.
Kompania është e njohur edhe në Durrës. Ndërtimi i rrugës nga Hekurudha deri në Stacionin Iliria Plazh, me paratë e FSHZH u bë nga kjo kompani. Ndërkaq, shuma e përfituar nga Kontrata Publike nga ARRSH, është plotë 3 778 345 933,3 lekë.
Vetëm për infrastrukturën mbështetëse të pistës për garat e Formula 1, kompania e mësipërme u shpërblye me kontratë ne vlerë 525 milionë lekë.
Tenderi u fitua me “Flamur të kuq”, pas skualifikimit të të gjitha kompanive në garë (12 firma).
Sikur shohim, këto kontrata nuk janë lidhur për të investuar në infrastrukturat e qyteteve sipas kërkesave të bashkisë, por për të favorizuar oligarkët e Agollit. Pasi fituesi i kontratës tjetër është firma e Paqsor Buzit, biznesmenit të arrestuar njëherë për mashtrim dhe korrupsion. G.P.G COMPANY” shpk do të përfitojë nga kjo kontratë 4.3 miliardë lekë. Me siguri do të vidhen ashtu sikur janë vjedhur miliardat për rrugë, ujësjellësi dhe shkolla, të financuar nga FHSZH. Në vitin 2019, Paqsor Buzi është arrestuar nga policia si i dyshuar për pjesëmarrje në një skemë të mashtrimit me Tatimin mbi Vlerën e Shtuar.
Ai u arrestua bashkë me disa biznesmenë të tjerë me akuzat e “krijimit të skemave mashtruese me TVSH”, “falsifikimit” dhe “fshehjes së të ardhurave”. Këta të ashtuquajtur biznesmenë, u akuzuan në atë kohë se kishin krijuar një skemë me fatura fiktive shitje-blerjesh mes njëri-tjetrit me qëllim përfitimin e TVSH-së nga shteti.
Kontratat e tjera vazhdojnë në të njëjtën linjë. Për to janë shpenzuara miliarda lekë, fituesi kanë marrë tenderin pa garë dhe punët që ato do të kryhen nuk janë të konkretizuara. Me pak fjalë abuzimi hapur në prag zgjedhjesh dhe kështu FSHZH kujdeset që kandidatët e Ramës të sigurojnë votat e nevojshme. Theksojmë se Agolli është nën hetime për korrupsion dhe abuzim me tenderët. Por, me sa duket SPAK e ka lënë të lirë që drejtori i FSHZH vazhdojë vjedhjet me tenderët.
Lexo edhe: Leku letër te FSHZH/ Paga nga 2 mijë euro, miliona lekë shpërblime
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Dritan Agolli, drejtor i Fondit Shqiptar të Zhvillimit (FSHZH) po firmos shpërdorimin dhe përvetësimin e buxhetit të shtetit në favor të oligarkëve. Me afrimin e zgjedhjeve, kontratat abuzive po shpeshtohen. Brenda një dite, drejtori famëkeq ka hapur garën për disa tenderë që kapin vlerën 39 miliardë lekë.
Kontrata e parë ka si objekt “Ndërhyrje rigjeneruese në blloqet e banimit, rigjenerimi i stokut të banesave në rajonin 1 dhe 2”, ku më poshtë thuhet se lloji i kontratës është “Punë publike”. Ndërkohë nuk sqarohet se çfarë punësh do të bëhen konkretisht dhe sa do jenë shpenzimet për secilin zë. Fondi i limit i vënë në dispozicion për këtë prokurim është 4.6 miliardë lekë. Por në rast nevoje, shpenzimet mund të shkojnë deri në 5.5 miliardë lekë. Pra, Agolli i jep të drejtën vetes t’i paguajë kontraktuesit aq para, sa i lind dëshira!
Kjo kontratë është fituar nga firma “DION-AL” sh.p.k, me pronarë: Renaldo Joanidhi – 43.33%, Aldi Zaimi – 30%, Eljona Zaimi – 13.33% dhe Shpresa Joanidhi.
Kontrata është dhënë pa garë fare, sepse nuk raportohet që në këtë tender të kenë marrë pjesë kompani të tjera. Ndërkohë këtu lind pyetja, se në cilat kritere u bazua komisioni i vlerësimit që i dha pikët maksimale fituesit. Për aq kohë sa nuk dihet çfarë punësh do të kryhen dhe nëse fituesi ka mundësi t’i kryejë?
Edhe tenderi i dytë ka të bëjë sërish me punë publike, në Lushnjë dhe Shkodër, por pa asnjë sqarim tjetër. Për këtë rast Agolli ka hedhur 3.5 miliardë lekë dhe fituesi sërish është shpallur në mungesë të pjesëmarrjes së ndonjë kompanie tjetër.
Në kontratën e tretë janë parashikuar punime në Lezhë dhe Shkodër me vlerë 2.1 miliardë lekë. Për këtë tender FSHZH thotë se do të instalojë sistemet fotovoltaikë në këto qytete. Por, sërish nuk përcaktohen kriteret për kompanitë që kanë fituar tenderin dhe sa shpenzime do të bëhen për secilin rast.
Dhuratë edhe për Shkëlqim fushën
Një tender tjetër është në radhë, gjithashtu për punë publike “sipas kërkesave të bashkisë”. Njësoj si në tenderët e tjerë, gara është mbyllur pa konkurrencë dhe në mungesë të theksuar informacioni për punimet dhe shpenzimet konkrete.
Ajo që bie në sy në fund të dokumentit është fituesi. Nga kaq shumë kontrata, sigurisht Agolli e ka ruajtur një projekt edhe firmën “Fusha shpk”, të oligarkut Shkëlqim Fusha. Në dokument thuhet se “Fusha” do të furnizojë me materiale publike bashkitë “sipas nevojave”. Por, sërish pa u përcaktuar se sa bashki do të përfitojnë nga kjo kontratat, çfarë materialesh do të marrin ato dhe sasia që prokurohet. Atëherë, si e përcaktoi vlerën 21.5 miliardë lekë Agolli për “Fushën”? Me pak fjalë, kaq ka dashur vetëm Fusha që të fusë në arkën e tij nga ky projekt.
Kontrata tjetër i është dhënë gjithashtu një firme oligarkësh, që është pasuruar me tenderët e Bashkisë Tiranë dhe FSHZH.
Sikur kemi parë deri më tani, edhe në këtë rast objekti i kontratës është “punë publike”, por të pacaktuara konkretisht. Fituesi është firma “LEON KONSTRUKSION” me pronarë Florenc Sharkën dhe Sonila Sharkën. Këtë herë FSHZH i ka dhuruar pa garë fare 750 milionë lekë. Ndërsa kjo firmë zakonisht ka fituar miliarda lekë nga Bashkia Tiranë. Kujtojmë se vetëm pak muaj më parë Veliaj i dha Sharkës 240 milionë lekë për të ndërtuar një zgarë qoftesh tek Liqeni i Thatë. Duket sikur kjo ditë paska qenë ndarja e “Oscars” për korrupsion nga FSHZH.
4.2 miliardë lekë për firmën që përkëdhelur nga Veliaj
4.2 miliardë lekë do të shpenzojë FSHZH që firma “ALB-BUILDING” , të kujdeset për anësoret e rrugëve. Nuk dihet për se cilat rrugë bëhet fjalë, por Odhise Bresha dhe Pëllumb Betado do t’u xhirohen para me thes nga FSHZH për dy vitet e ardhshme. Këto lekë janë për punë që në fakt nuk i dimë a do të kryhen. Për aq kohë sa nuk ka kushte dhe kritere të përcaktuara në kontratë.
Kujtojmë se kjo kompani është e klientë e pushtetit duke përfituar pjesën e Luanit në tenderë me vlera të mëdha në Tiranë.
Një nga këto abuzime ikonë është projekti ku Veliaj meremetonte rrugët ekzistuese tek Parku i Liqenit artificial dhe i emërtonte “Itenerare këmbësorësh me pistë vrapimi dhe biçikletash”. Burimi i financimit ishte Komiteti për Zhvillimin e Rajoneve (FSHZH) Kompanisë iu xhiruan 256.3 milionë lekë për atë rrugicë.
Duke qenë se fitoi besimin e Veliajt, kompani mori edhe “Ndërtimin e rrugëve kryesore të zonës për zhvillim Njësia Administrative 4 dhe 8, Zona “5 Maji”. Paratë ishin nga Programi i Rindërtimit. Së bashku me një kompani tjetër ”Alb-Building” shpk mori 4,7 miliardë lekë. Kjo gjithashtu kompani që mori 600 milionë lekë për spostimin e rrjetit të ujësjellësit tek Bulevardi ‘Zogu i I’.
Kompania është e njohur edhe në Durrës. Ndërtimi i rrugës nga Hekurudha deri në Stacionin Iliria Plazh, me paratë e FSHZH u bë nga kjo kompani. Ndërkaq, shuma e përfituar nga Kontrata Publike nga ARRSH, është plotë 3 778 345 933,3 lekë.
Vetëm për infrastrukturën mbështetëse të pistës për garat e Formula 1, kompania e mësipërme u shpërblye me kontratë ne vlerë 525 milionë lekë.
Tenderi u fitua me “Flamur të kuq”, pas skualifikimit të të gjitha kompanive në garë (12 firma).
Sikur shohim, këto kontrata nuk janë lidhur për të investuar në infrastrukturat e qyteteve sipas kërkesave të bashkisë, por për të favorizuar oligarkët e Agollit. Pasi fituesi i kontratës tjetër është firma e Paqsor Buzit, biznesmenit të arrestuar njëherë për mashtrim dhe korrupsion. G.P.G COMPANY” shpk do të përfitojë nga kjo kontratë 4.3 miliardë lekë. Me siguri do të vidhen ashtu sikur janë vjedhur miliardat për rrugë, ujësjellësi dhe shkolla, të financuar nga FHSZH. Në vitin 2019, Paqsor Buzi është arrestuar nga policia si i dyshuar për pjesëmarrje në një skemë të mashtrimit me Tatimin mbi Vlerën e Shtuar.
Ai u arrestua bashkë me disa biznesmenë të tjerë me akuzat e “krijimit të skemave mashtruese me TVSH”, “falsifikimit” dhe “fshehjes së të ardhurave”. Këta të ashtuquajtur biznesmenë, u akuzuan në atë kohë se kishin krijuar një skemë me fatura fiktive shitje-blerjesh mes njëri-tjetrit me qëllim përfitimin e TVSH-së nga shteti.
Kontratat e tjera vazhdojnë në të njëjtën linjë. Për to janë shpenzuara miliarda lekë, fituesi kanë marrë tenderin pa garë dhe punët që ato do të kryhen nuk janë të konkretizuara. Me pak fjalë abuzimi hapur në prag zgjedhjesh dhe kështu FSHZH kujdeset që kandidatët e Ramës të sigurojnë votat e nevojshme. Theksojmë se Agolli është nën hetime për korrupsion dhe abuzim me tenderët. Por, me sa duket SPAK e ka lënë të lirë që drejtori i FSHZH vazhdojë vjedhjet me tenderët.
Lexo edhe: Leku letër te FSHZH/ Paga nga 2 mijë euro, miliona lekë shpërblime
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
